კემბრიჯის ჰერცოგინია, ქეით მიდლტონი Hold Still 2020-ის ჟიურის წევრი იყო. ეს არის გამოფენა, რომლის ფარგლებშიც, ჟიურიმ 100 საუკეთესო ნამუშევარი შეარჩია.
ჰერცოგინია გამოფენის წევრებს ონლაინჩართვით მიესალმა და სიტყვით მიმართა: „დიდი მადლობა თითოეულ ადამიანს, რომელმაც კონკურსში მიიღო მონაწილეობა, ასევე ჩემს კოლეგებს, ჟიურის წევრებს”, – თქვა მიდლტონმა ონლაინ სიტყვით გამოსვლისას.
საზოგადოებას უყურადღებოდ არ დარჩა კეიტ მიდლტონის ჩაცმულობა, რომელიც მუდმივად ყურადღების ცენტრში ექცევა. მას ონლაინ-ჩართვისას ყვავილების პრინტიანი კაბა ეცვა.
მსოფლიოში ყველაზე გავლენიანი სამეფო ოჯახის წევრმა Zara-ს 15-დოლარიანი კაბა მოირგო.
